Talde gasteiztarra UCAM Murtziari irabazi ondoren iritsi da zifra honetara.
Historiarako arratsaldea Baskoniarentzat, Endesa Ligako bere 1000 garaipena lortu ondoren. Ivanovicen gizonek UCAM Murtzia gainditu dute (94-79) beste mugarri historiko bat lortuz.
Klubak 1983ko irailaren 21ean lortu zuen lehen garaipena, Madrilgo Erkidegoko Kirol Jauregian, Estudiantesen aurka. Arabatxo Baskoniaren lehen garaipenean, Essie Hollis estatubatuarra izan zen neurketako jokalaririk nabarmenena 34 puntu eta 31-ko balorazioarekin.
Saski Baskoniak ACB-ko historian zehar lortutako mila garaipenen artean daude Baskonia Ligako Txapeldun egin zuten garaipenak (2002, 2008, 2010 eta 2020), baita bere palmareseko sei Errege Kopak (1995,1999, 2002, 2004, 2006 eta 2009) edo SuperKopako lau finalak ere (2005, 2006, 2007 eta 2008).
Endesa Liga hasi zenetik, 1.000 garaipenera iristen den hirugarren taldea da Saski Baskonia, Real Madrilen (1.261) eta Bartzelonaren (1.294) atzetik. Etxeko lehiaketako talderik arrakastatsuenetako eta erreferenteenetako bat bezala finkatzen duen mugarria.
