Klubak ekimen bat abiarazi du zaleek euren oroitzapen hunkigarriak partekatzeko eta Baskoniaren tituluen omenaldiaren parte izareko.
Datorren abenduaren 27an (20: 30), Baskoniak eta Paris Basketballek jokatuko duten neurketa ekitaldi historikoa izango da baskonismo osoarentzat. Palmaresa altxatzea, klubaren ibilbidea markatu duten tituluak omenduko dituen zeremonia berezia. Oraingo honetarako, klubak ekimen berri bat jarri du abian, zaleei urte hauetan guztietan izan dituzten istorio hunkigarrienak partekatzera gonbidatuz. Adierazgarrienak aukeratuak izango dira, protagonistak ekitaldiaren parte izan daitezen.
Gure zaleei merezi duten lekua emateko asmoz, klubak ekimen hau abiarazi du. Gure jarraitzaileek euren istorioak, emozioak eta oroitzapenak partekatzea nahi dugu. Neurketa horiek beraien bizitzetan markatu duten pasadizo bereziak, irudiak, bideoak edo mezuak.
Istorio onenak abenduaren 27ko ekitaldian aktiboki parte hartzeko hautatuko dira. Aukeratutako zaleek Buesaren bihotzean biziko dute zeremonia, bideko urrats bakoitzean egon den familia urdin-gorri osoa ordezkatuz.
Zaletu guztiak parte hartzera animatzen ditugu, euren istorioak esteka honetara bidaliz. Datorren abenduaren 27a, baskonismo osoarentzat oroitzapen ezabaezina izatea nahi dugu.
