Saskibaloiaren hitzordu hau ekainaren 22tik uztailaren 6ra bitartez burutuko da.
Baskoniaren Nazioarteko Campusaren XV. edizioa errealitate bat da. Beste denboraldi batez, Baskonia-Alaves Fundazioak eta talde urdin-gorriak bat egin dute, udako oporrei begira, erreferente den saskibaloi plana eskaintzeko. Hitzordu horretarako izena emateak otsailaren 18an irekiko dira.
Bi aste zirraragarrietan, Gasteiz saskibaloi ikasketa onenaren epizentroa izango da. Markatutako lau lan ildoak (banakako teknika programa, berariazko hobekuntza programa, talde-joko programa eta azken ebaluazio programa) gauzatzeko balioko duten 13 pistekin, parte hartzaileek maite duten kirolaz gozatuko dute, beren trebetasunak hobetzen dituzten bitartean.
Aurreko edizioetan bezala, campusa bi txandatan banaturik egongo da. Lehenengoa, ekainaren 22tik 29ra eta bigarrena ekainaren 29tik uztailaren 6ra, biak 2007 eta 2013. urteen artean jaiotako gazteei zuzenduta.
Beste behin ere, David Gil Baskoniako entrenatzaile laguntzailearen zuzendaritzapean, Xabier Aspe talde urdin-gorriko laguntzaile ere badenaren babesarekin, CIBB25eko staff-a honako hauek osatuko dute: zuzendari 1, zuzendariorde 1, 3 koordinatzaile, entrenatzaile 1 10 jokalariko, pistako buru 1 instalazio bakoitzeko, fisioterapeuta 1 instalazio bakoitzeko eta aisialdiko monitoreak. Guztiek, esperientzia ahaztezin bat eskaintzeko lan egingo dute.
Izena eman nahi duten guztiek Zador Spain webgunearen bidez edo 636 96 05 10 telefonora deituz egin dezakete.
