Buesa Arenan, bere zaletuen gozatzeko forma irauli duen denboraldi dibertigarri baten ondoren, begirada datorren denboraldian jartzeko unea iritsi da. Ikuskizunaren jarraipenaren aldeko apustua eginez, Saski Baskoniak abonatuen kanpaina kaleratu du.
Opening Game-an hasi eta denboraldi osoan zehar, kirolatik haratago pabiloi osoa inplikatu duten zuzeneko emanaldiekin eta ekintzekin zaletua harritzeko modua bilatu du entitate urdin-gorriak. Partidako, bataz beste, 8.900 zale baino gehiagoren presentziarekin, ikuskizunaren etxea bihurtu da Buesa Arena.
34 partida 191€-tik aurrera
2023-24 denboraldiko abonuak Turkish Airlines Euroleagueko fase erregularreko 17 neurketak, Endesa Ligako fase erregularreko 17 partidak eta Endesa Ligako final-laurdenak hartzen ditu barne. 191 eurotik aurrera, heldu batek bere eserlekua berritu eta txarteldegiko prezioarekiko % 40tik gorako deskontua edukitzeko aukera izango du. Gazte batek 133 eurotik aurrera egingo du eta haur batek 71 eurotik aurrera.
Familia plana iritsi da
Berrikuntza moduan eta baskonismoa beste belaunaldi batera eramateko asmoarekin, denboraldi osorako familia plana eskaintzeko apustua egiten du Saski Baskoniak. Abonu hau, 2023-24 kanpainan gazte eta haurren tarifako abonuetan % 30eko deskontua izango duten bi kide baino gehiagoko familia-unitateei zuzenduta dago. Baldintza guztiak ikuskatu.
Abonatuentzako onurak
2023-24 denboraldiko abonuari esker, baskoniako abonatu guztiek hainbat abantailaz gozatzeko aukera izango dituzte.
- Lehentasuna eserlekua aukeratzean.
- Abonuaren prezioan %40tik gorako deskontua leihatilarekin alderatuta.
- %10eko deskontua alta berrien prezioaren gainean.
- Lehentasuna sarrerak erosterako unean (Buesan edo etxetik kanpo) eta %10eko deskontua.
- %10eko deskontua merchandisingean.
- Dohako matrikulazioa Bakhen
Berritze automatikoa
Uztailaren 13ra arte konpromisoa ez berritzeko asmoa adierazten dutenak izan ezik, abonu guztiak automatikoki berrituko dira. Bajak aurrez-aurre izapidetuko dira Baskonia-Alaves denda ofizialean. Honen ordutegia honako hau da: astelehenetik larunbatera 10:30etatik 13:30etara eta 16:30etatik 20:00etara. Arreta zerbitzuko telefono zenbakia 945 13 91 91 da.
Etxean jokaturiko neurketen %80etan garaipena lortuta, taldearen eta zaletuen arteko kimika garrantzitsua izan da Zurbanoko espiritua berpizteko. Talde berriarekin gozatu egin nahi dute baskoniako zaleek.
