Klubak eta jokalariak hilabete bateko kontratua sinatu dute. White datorren astelehenean hasiko da taldearekin lanean.
Gasteiz, 2014ko urriak 4. Barne jokoa sendotzeko asmoz, Laboral Kutxak DJ White pibot estatubatuarra fitxatu du. Hilabete bateko kontratua sinatu du jokalariak (2.06 metro eta 28 urte) eta astelehenean hasiko da taldearekin lanean. Whitek -Tuscaloosa, Alabaman jaioa- Indianako Unibertsitatean hasi zuen bere ibilbidea. Ondoren, NBA-ko hainbat talde garrantzitsutan jokatu izan du: Charlotte Hornets, Oklahoma City Thunder eta Boston Celtics.
2008an Detroit Pistonsek drafteatua, fitxaketa baskonista berriak fisiko izugarria du. NBA-n guztira 138 partidu jokatu ditu eta aurretik Unibertsitatean eta Tulsa Garapen Ligan jokatu zuen. Gainera, 2007an Estatu Batuetako selekzioarekin Joko Panamerikarrak jokatzeko izan zen deitua. Txapelketa hartan bere selekzioko saskiratzaile onena izan zen.
Jokalari estatubatuarra astelehenean helduko da Gasteizera. Egunean bertan errekonozimendu medikua pasa eta gero, taldearekin batera hasiko da lanean.
