Etor zaitez Bilbao Basketen aurkako derbira eta momentu historiko bat gogora ezazu gurekin.
Saski Baskoniaren europar titulu bakarrari omenaldia eskainiko zaio datorren martxoak 6an. 20 urte pasa dira jada, baina momentu historiko hura, garaipen ahaztezin hura, magiazko gau hura beti gogoratuko da Gasteizen.
1996ko martxoak 12an eta Manel Comas handiaren agindupean, gure 10 gladiadoreek historia egin zuten zalez goraino betetako Araba Pabilioian. Europa erreinatu zuen talde erraldoi hark berrehun mila biztanle baino gutxiago zituen Gasteiz hiria ordezkatu zuen Europan zehar. Gauzak horrela, talde hura Buesa Arenan egongo da martxoak 6an ospatuko den Bilbao Basketen aurkako derbian.
Marcelo Nicola, Ramon Rivas, Velimir Perasovic, Jordi Millera, Ferran Lopez, Carlos Cazorla, Juan Pedro Cazorla, Jorge Garbajosa, Miguel Angel Reyes eta Iñaki Gomez Gasteizen izango dira 20. urteurren berezia zale baskonistekin batera ospatzeko. Baskoniari Europako ateak zabaldu zizkion talde handiak merezi duen omenaldia jasoko du Endesa Ligako partidua hasi baino lehen. Hori dela eta, jarraitzaile guztiak ospakizun polit honetan lagundu diezaguten nahi dugu.
