Saskibaloi kontinental onenaz disfrutatzeko helburuaz, abonatu baskonistek %25ko deskontua izango dute
Laboral Kutxa Baskoniak Euroleagueko final laurdenak jokatuko ditu berriro ere. Real Madrilen aurkako partidu epikoan, talde gasteiztarrak Play Offeko sailkapena lortzeaz gain bigarren postua bermatu zuen eta, honekin batera, final laurdenetarako kantxa faktorea. ‘Heriotzaren Multzoa’ deiturikoan, talde baskonistak izugarrizko maila erakutsi du bederatzi garaipen lortuz. Hori dela eta, Baskonia Europako zortzi talde onenen artean egongo da beste behin. Gauzak horrela, Buesa Arenan saskibaloi onenaz disfrutatzeko aukera izango dute jarraitzaile baskonistek. Euroleagueko Play Offa hurrengo apirilak 12 edo 13an hasiko da. Dena den, Top 16ko azken neurketan erabakiko da zer postutan sailkatuko den talde gasteiztarra eta, halaber, zein izango da final laurdenetan izango duen aurkaria.
Buesa Arenan jokatuko diren Play Offeko lehen bi partiduen sarrerak (apirilak 12 edo 13 eta apirilak 14 edo 15) salmentan daude jada www.baskonia.com webgunean, Baskonia-Alaves Dendan (C/General Alava, 1) eta 902 139 191 telefonoan. Helduek 15 eurogatik eskura dezakete haien sarrera eta umeek aldiz, 10 eurogatik. Gainera, eserleku bera ziurtatu nahi duten jarraitzaileek Play Off Paketea eskuratu dezakete. Hala nahi ezkero, jarraitzaile baskonistak Baskonia-Alaves Dendara gerturatu beharko dira.
Berritze automatikoa abonatuentzat
2015-16 abonuan ez daude Euroleagueko final laurdenak barne. Hori dela eta, abonatuen erosotasuna bermatzeko, abonuaren berritze automatikoa burutuko da. Beraz, Play Offetara bertaratu nahi diren abonatuek ez dituzte haien eserlekuak aktibatu beharko. Bestalde, final laurdenetara joan ezin diren abonatuek, haien sarrerak nahi ez dituztela notifikatu beharko dute apirilak 4tik (astelehena) apirilak 9ra -larunbata-. Notifikazio hau telefonoz, dendara gerturatuz edota posta elektronikoz (abonados@baskonia.com) burutu daiteke. Gainera, abonatuek %25ko deskontua izango dute Play Off Paketean.
Abonatu helduek 11 eurogatik eskuratu dezakete haien sarrera eta abonatu infantilek aldiz, 7 eurogatik. Ordainketa automatikoki gauzatuko da fasearen itxierarekin batera, beti ere etxean jokatutako partidu kopurua kontuan izanik.
Abonatu baskonistek espektakulu onenaz konpainia ezin hobean disfrutatu dezaten, abonua berritzen duen abonatu bakoitzak prezio berean beste bi pakete eskuratzeko aukera (pabiloiko edozein zonatan) izango du Baskonia-Alaves Dendan.
