Batez beste 9.535 ikusle hartuta, Baskoniako pabiloia da batez besteko asistentziaren liderra 23-24 denboraldian.
Orain arte, Buesa Arena da batez besteko asistentzia onena duen Endesa Ligako pabiloia, 9.535 zalerekin. Denboraldi honetan zehar jokatu diren sei neurketetan, 47.675 ikusle pasa dira Zurbanoko pabiloitik saskibaloi onenaz gozatzeko.
15.504 arima batuta Bilbao Basketen aurkako Opening Game-an, talde urdin-gorriak Endesa Ligako pabiloi bateko asistentziarik onena markatu zuen pasaden irailaren 30ean. Bigarren urtez jarraian, talde arabarrak aldea markatu zuen denboraldi hasieran.
Zalerik leialena Europan ere
Bataz besteko 9.758 ikuslerekin, Gasteiz da Turkish Airlines EuroLeague-n lehiatzen diren lau talde nazionalen artean asistentziarik onena duen hiria, Madril, Bartzelona eta Valentziaren aurretik.
Buesa Arena gozo dago 2023-24 denboraldian eta abendu zirraragarri batean, bost neurketa hartuko ditu bederatzi egunetan. Zaleen babesean, Dusko ivanovicen gizonek Fenerbahce, Izar Gorria, Tenerife, Palentzia eta Virtusen aurka neurtuko dituzte indarrak abenduaren 6tik 14ra bitartean. SARRERAK SALGAI
