Bataz besteko asistentzia 9.000koa izanik, Zurbanoko pabiloiak bere distira berreskuratu du 22-23 denboraldian.
Zale guztiek gozatu duten denboraldi bizi eta zirraragarria itxi du Cazoo Baskoniak. Baskoniarren babesa garrantzitsua izan da Joan Peñarroyaren gizonek etxean jokatu dituzten 35 partidetan.
Gasteiztarrek, Zurbanoko Pabiloian jokaturiko Euroleagueko 17 partidetatik, 14 irabazi dituzte. Endesa Ligan 18 norgehiagoka jokatu dira eta Europako txapelketan bezala, hirutan bakarrik ez dute garaipena lortu. Buesa Arenak markatu du aldea denboraldi honetan eta taldearekin bat egin duten 9.000 zaleek gozatua hartu dute.
Ia hiru alditan saldu ditu sarrera guztiak Zurbanoko Pabiloiak. Irailaren 30ean, Unicajaren aurkako denboraldiko hasierako neurketan izan zen lehena, abenduaren 29an, Real Madrilen aurka lortutako Euroleagueko garaipen handian ere bete egin zen Buesa Arena. Bartzelonaren aurkako Endesa Ligako etxeko azken norgehiagokan, 15.208 zale izan ziren, denboraldiko hirugarren sarrerarik onena sinatuz.
Errekorreko denboraldi honetan, euskal taldeak ilusioa itzuli die jarraitzaileei, nahiz ere azken pausoa ematea falta izan den. Urdin-gorriek, Endesa Ligako historiako denboraldi erregular batean sartutako hiruko markarik onena ezarri dute (419). Honez gain, bederatzi aldiz gainditu zituen 100 puntuak Endesa Ligako partida batean, 33 asistentzia eman zituen Euroleagueko neurketa batean, 120 puntuak gainditu zituen Europako txapelketako norgehiagoka batean eta 19 hiruko erdietsi zituen Euroleagueko lehia bakar batean.
Ikuskizun handiak bizi izan dira Buesa Arenan. Bi lehiaketak kontuan hartuta, Baskoniak 15 aldiz gainditu ditu 100 puntuko marka, bertaratutako guztiak eserlekutik pasaraziz.
Talde gasteiztarraren historian aurretik gertatu gabeko gertaera batean, Buesa Arenak historia egin du denboraldi honetan.
