Saski Baskoniak 2020-21 denboraldiko prezioak izoztu ditu, eta Buesa Arenara gerturatzea ezinezkoa baduzu, Klubak disfrutatu gabeko neurketen zati proportzionala itzultzeko konpromisoa hartzen du.
Ilusioz blai eta 60. urteurrenean Valentzian lortutako ligako tituluaren adrenalina puntu horrekin ekingo zaio 2020-21 denboraldiari. Planeta osoa eta saskibaloiaren mundua astindu dituen ezohiko testuinguru honetan, Saski Baskoniak itxaropen eta anbizio handiz begiratzen dio etorkizunari.
Prezio izoztuak
Orainari ere erantzukizunez eta enpatiaz aurre egingo zaio, osasun krisiaren zailtasunak pairatzen dabiltzan zaleen azalean jarriz. Hori dela eta, bost denboraldi ondoren, 2020-21 denboraldian Klubak abonuaren prezioak izozteko neurria hartu du.
Abonua berritzen duten abonatuek haien eserlekua mantentzeko lehentasuna izango dute eta 2019-20 denboraldiko prezio berdina ordainduko dute. Ezinbesteko kasuak direla eta abonatuak ezin balu bere abonuan barne dauden neurketetako bat disfrutatu, abonuaren zati proportzionala itzuliko litzaioke amaitu berri den 2019-20 denboraldian erabilitako prozedura berdinak jarraituz.
2020-21 denboraldiko abonuan Turkish Airlines Euroleagueko fase erregularreko 17 neurketak, acb liga erregularreko 17 partiduak, eta Endesa Ligako final-laurden hipotetikoak daude barne. 179 eurotik aurrera, abonatu heldu batek bere abonua berritu ahal izango du, txarteldegiko prezioarekiko %40ko deskontua eskuratuz. Abonatu gazte batek 125 eurotik aurrera lortu dezake bere abonua eta abonatu infantil batek 65 eurotik aurrera.
Abonatuentzat abantailak
Baskoniako abonatuek abantaila esklusiboak izango dituzte 2020-21 denboraldian:
- Eserlekua aukeratzeko lehentasuna.
- %40tik gorako deskontua txarteldegiko prezioarekiko.
- Abonuaren berritzea alta berriak baino %10 merkeagoa.
- Sarrera gehigarriak erosteko lehentasuna (Buesan edo etxetik kanpo) eta %10ko deskontua.
- %10ko deskontua merchandisingean.
- %10ko deskontua Baskoniaren eta Alavesen Campusetan.
- Doako matrikula BAKH-en.
- 10€ko bonua entrenamendu pertsonaletan eta campusean.
Berritze automatikoak eta alta berriak
Abonuen berritzea ezinbestekoa da Buesa Arenako eserlekua mantentzeko, eta hau automatikoki burutuko da abonatuentzat erosoagoa izan dadin. Egungo abonatuek baja eman edo abonuan edozein aldaketa egin nahi ezkero, uztailaren 30a baino lehen jakinarazi beharko diote klubari.
Kudeaketa hau Baskonia-Alaves Experience Store dendara hurbilduz (Alava General Kalea, 1. 10:00tik 14:00ra eta 16:00tik 20:30ra), http://abonados.baskoniaalavesstore.com webgunean aurretiko hitzordua eskatuz edo 902 139191 telefonora deituz burutu daiteke.
Aldi berean, harpidetu nahi diren jarraitzaileek aipatutako salmenta kanal berdinak edo www.baskonia.com/abonate webgunea erabili ditzakete. Gainera, Caixabankek abonatu guztiei haien 2020-21 abonua interesik gabe 3, 6 edo 9 hilabetetan finantzatzeko aukera eskaintzen die. Baskonia-Alaves Store dendan egin daiteke kudeaketa hau.
