Bigarren zati handi batek urteko europako azken garaipena eman die urdin-gorriei.
Baskoniak, txapelketaren historiako bere bigarren markagailu iraultzerik handiena lortu du Paris Basketball liderraren aurka zortzigarren garaipena erdiesteko. 29 puntu eta 10 erreboterekin, Chima Moneke izan da neurketako jokalaririk nabarmenena. Partida biribila eta historikoa, Baskoniaren historiako titulu guztiak Buesa Arenaren goialdera eraman ondoren.
Chima Monekeren hasiera apartak aurretik jarri du Baskonia lehen minutuetan (16-11). Paris erantzuten ahalegindu da, bigarren laurdenera begira aldeak murriztuz (28-26). Tiago Spliterren taldeak hutsunean topatu ditu defentsa urdin-gorrian, 0 eta 8-ko partzial bat ezarriz. Frantziarrek, erasoko joko onarekin, aldea hartu dute, diferentzia 15 puntura eramanez atsedenaldira iristeko hiru minuturen faltan. Lehen zatiaren amaierara 41 eta 57-ko markagailuarekin iritsi da.
Baskonia energia berriztuta atera da bigarren zatira, 17 eta 10-eko partzial batekin, diferentzia murriztuz. Urdin-gorriek 8 puntuko desabantailarekin amaitu dute hirugarren laurdena (64-72). Baskoniak neurketa iraultzea lortu du azken laurdenean, 11 eta 2-ko partzialarekin aurretik jarriz. Defentsa on batekin, Pablo Lasoren gizonek norgehiagoka erabakita utzi dute, urteko azken garaipena lortuz Euroleaguen (94-81).
