Pablo Lasoren taldeak Lleidara bidaiatuko du Endesa Ligako hurrengo neurketari aurre egiteko.
Igande honetan, 17:00etatik aurrera, Baskoniak etxeko txapelketako bigarren itzuliko lehen neurketari egingo dio aurre Hiopos Lleidaren aurka Espai Fruita Barris Nord-en. Bi taldeen arteko bigarren lehia izango da Endesa Ligako historian, talde urdin-gorriak lehen aldiz bisitatuz hiri kataluniarra. Pablo Lasoren gizonek etxeko txapelketako bigarren itzulia ondo hasi nahi dute sailkapenean gora egiten jarraitzeko.
14. Hiopos Lleida (6 garaipen eta 11 porrot): Gerard Encuentrak zuzentzen duen taldea sailkapeneko hamalaugarren postuan iritsiko da 6 garaipen eta 11 porroteko balantzearekin. Azken neurketan, talde kataluniarrak Dreamland Kanaria Handia menderatu zuen etxean, erronka berri honetarako indarra hartuz. 11,9 eta 11,3-ko balorazioarekin, Keye Van der Vuurst eta Oriol Paulí dira Lleidako jokalaririk nabarmenenak.
10. Baskonia (8 garaipen eta 9 porrot): Bestalde, Baskoniak sailkapeneko hamargarren postuan kokaturik iritsiko da lehiara, 8 garaipen eta 9 porroteko balantzearekin. Urdin-gorriek garaipena lortu zuten lehen itzuliko azken neurketan Rio Breoganen aurka. Txapelketa osoan birrintze gehien egiten dituen hirugarren taldea da, Donta Hall izanik txapelketa osoko bigarren jokalaririk birrintzaileena.
Baskoniak, garaipen berri bat lortzeko eta Endesa Ligako sailkapenean postuak hobetzeko helburuarekin bidaiatuko du Lleidara.
