Urdin-gorriek playoff-ean sartzeko borrokatzen jarraitu nahi dute.
Palentzian irabazi eta etxeko txapelketako 17. garaipena batu ondoren, Baskonia etxera itzuliko da talde kataluniarraren aurka jokatzeko igande honetan (17:00). Tiago Splitter legenda urdin-gorriari egingo zaion omenaldiak markatuko du norgehiagoka. Buesa jokalari ohiarekin elkartuko da berriro, taldeko beste jokalari batzuekin batera tenpluaren goialdean geldituko den kamiseta erretiratzeko. Bàsquet Gironaren eta Baskoniaren arteko joaneko neurketan, Dusko Ivanovicen gizonek garaipena lortu zuten (85-93).
9. Baskonia (17 garaipen eta 14 porrot): Gasteiztarrek, fase erregularreko etxeko azken-aurreko neurketa jokatuko dute igandean, 17:00etatik aurrera. Dusko Ivanovicen gizonek garaipen berri bat eskuratzen ahaleginduko dira playoff postuen borrokan jarraitzeko. Baskonia hiruko gehien saskiratzen dituen taldea da (11.10 lehiako) eta Bàsquet Girona bigarrena (10.42 partidako).
14 Bàsquet Girona (11 garaipen eta 20 porrot): Salbazio matematikotik garaipen batera, Fotis Katsikarisenak Bilbao Basketen aurkako azken lehia irabaztetik iritsiko dira Buesa Arenara. Ike Iroegbu da txapelketa osoko bigarren saskiratzailerik nagusiena, neurketako 15.4 puntu eginez. Entrenatzaile greziarrak Kenny Cheryren baja izango du. Bàsquet Girona txapelketa osoko bigarren talderik erreboteatzaileena da, partidako 37.29 aldaratze hartuz.
Bi taldeen arteko laugarren lehia izango da Endesa Ligan, non Baskoniak aurreko hiruretan garaipena lortu duen. Igande honetakoa hitzordu berezia izango da Baskonia osoarentzat, Tiago Spliterren kamisetaren erretiroarekin. Dusko Ivanovicen gizonek garaipen berri bat lortzeko borrokatuko dute, playoff-etako borrokan jarraitzeko.
