Etxera buelta Maccabiren bisita jasotzeko 25. jardunaldian
Lehia berri bat Dusko Ivanovicen gizonentzat, Maccabi Playtikaren bisita jasoz ostegun honetan (20:30). Jardunaldi hirukoitzeko bigarren hitzordua Baskoniarentzat, non garaipena bilatuko duen Munichen luzapenean erori ondoren. Israelgo taldeak pasaden denboraldian bisitatu zuen azkenekoz Buesa Arena eta 116 eta 87-ko markagailuarekin urdin-gorriak atera ziren garaile.
11º Baskonia (12 garaipen eta 12 porrot): Gasteiztarrak Zurbanoko pabiloira itzuliko dira, ostegun honetan (20:30), asteko bigarren neurketa jokatzeko. Baskonia garaipen berri bat lortzen ahaleginduko da etxean Play-In-eko postuetara itzultzeko. Txapelketako bigarren asistentzia emailerik onena den Codi Miller McIntyrek, sailkapen horretan hirugarren postuan dagoen Lorenzo Brownen aurka neurtuko ditu indarrak. Joko-antolatzaileen arteko lehia handia.
8º Maccabi Playtika (13 garaipen eta 11 porrot): Oded Kattashen gizonak Real Madrilen aurkako azken norgehiagoka galtzetik iritsiko dira Buesa Arenara. Azken 6 neurketetatik 4 galduta, Maccabi hamar talderik onenen artean mantentzeko borrokan ari da. Hala ere, lehiaketako talderik saskiratzaileenetako bat izaten jarraitzen du, norgehiagokako 86.4 puntu eginez.
Bi taldeen arteko 37. lehia izango da, Baskoniak 17 garaipen lortuta. Ostegun honetan (20:30), Dusko Ivanovicen gizonak Euroleagueko garaipen berri bat lortzen ahaleginduko dira.
