Bigarren zati on bat egin badute ere, Pablo Lasoren gizonek ezin izan dute talde Turkiarra gainditu.
Amaieraraino borrokatu badute ere, Pablo Lasoren gizonek ezin izan dute garaipena lortu Fenerbahçeren aurka. Trent Forrest izan da jokalari urdin-gorri nabarmenena 12 asistentzia banatuta, bere saskiratze pase markarik onena gaindituz Euroleaguen.
Baskoniaren hasiera ona Ulker Sports and Event Arenan. Urdin-gorriek neurketaren agintea bereganatu dute, markagailuako lehen errentak erdietsiz. Talde Turkiarrak aurrerapausoa eman du, lehia berdintzea lortuz lehen laurdena amaitzeko lau minuturen faltan. 17 eta 0-eko partzial batek, aldea lortzea ekarri die etxekoei. Erasoko intentsitatearekin, Jasikeviciusenek diferentzia handitzea lortu dute. Khalifaren gidaritzapean, Turkiarrek ez dute distantzia gehiago erdietsi. Pablo Lasorenak 46 eta 32-ko markagailuarekin iritsi dira atsedenaldira.
Aldageletatik bueltan, talde gasteiztarra neurketaren erritmoa berreskuratzen ahalegindu da, baina etxekoek gauzak zail jarri dituztem azkenengo laurdenera 13 puntu aurretik iritsiz (72-59). Defentsan estututa, Baskoniak korrika egiteko eta saskiraketak lortzeko aukera izan du. Sei minuturen faltan Tim Luwawu-Cabarrotek erdietsitako birrintze batek bost puntura jarri du talde arabarra. Bigarren zati ona burutu badute ere, urdin-gorriek ezin izan dute garaipena bereganatu Turkian (82-77).
Baskoniak bere hurrengo neurketari begiratzen dio. Urdin-gorriek Lugora bidaiatuko dute asteko azken norgehiagokari aurre egiteko. Rio Breogan izango da arabarren aurkaria igande honetan (17:00).
