Eskaintza zabal batekin, erakunde gasteiztarrak 2.500 parte-hartzaile baino gehiago hartuko ditu oporraldian zehar.
Baskonia Alaves Taldeak uda historiko bat sinatu du berriro, 2.500 parte-hartzaile baino gehiago hartuz eskainitako campusetan. Futbola, saskibaloia, padela edo igeriketa barne hartzen dituen eskaintza zabalarekin, zifra horrek gora egiten jarraituko du, abuztu eta irailera begira izen-emate batzuk zabalik jarraitzen dutelako.
Jarduera hauei Baskoniako Nazioarteko Campusak eman zien hasiera pasaden ekainaren 23an. Edizio arrakastatsu berri batean, klub urdin-gorriak 21 herrialdetatik etorritako 421 partaide hartu zituen bi astez, nazioarteko saskibaloi campusetako erreferentzia dela berretsiz eta Araba eta Gasteiz marka mundu osora zabalduz. Kalitatezko instalazioekin, Buesa Arena edo BAKH barne, gazte hauek staff-eko 65 kideren laguntza izan zuten esperientzia ahaztezin bat bizitzeko.
Saskibaloia ez zen hor geratu, izan ere, CIBB24-a hasi eta astebetera, Baskoniaren Udako Campusaren edizio berri bat jarri zen martxan, Deportivo Alavesen Udako Campusa hasi zen aldi berean. Bost astez, campus horiek ia 1.000 parte-hartzaile hartu zituzten, 504 alde urdin-zuritik eta 410 alde urdin-gorritik, Betoño, Lakua 03, Judimendi eta San Andreseko instalazioetan. Hauek, 118 monitoreren laguntzarekin, jardueraz beteriko programa bat osatu zuten, parte-hartzea, berdintasuna, ilusioa, lankidetza, tolerantzia, pertseberantzia eta taldea sustatuz balio nagusi gisa.
Gainera, azken urteetako joerarekin jarraituz, campus hauek Lurralde Historikora iritsi ziren Agurain, Deportivo Alavesen kasuan, eta Dulantziren, bien kasuan, eskutik, staff-eko 15 kideren laguntza izan zuten 130 haur jasoz guztira.
Jarduera horiek amaitu ziren, baina BAKH-ekoek martxan jarraitzen dute. Orain arte kids (580), padel (135), igeriketa (350) eta padel lehiaketa/teknifikazioko (12) campusen artean 1.000 parte-hartzaile baino gehiago hartu ondoren, dena primeran ateratzea ahalbidetzen duten ia 30 monitoreren laguntzarekin, kopuru hau igotzea bilatuko du datozen asteetan lehen hiru campusetan izena emateko epeak irekita jarraitzen baitu. Hauen inguruko informazio guztia BAKH-eko webgunean aurkitu ahal izango duzu.
Beste denboraldi batez, Baskonia Alaves Taldeak udako planik onena eskaintzeko egindako lanak fruituak eman ditu. Arrakasta berri baten ondoren, erakunde gasteiztarra erreferentzia bihurtu da eta dagoeneko, ekitaldi berriak prestatzen ari da denboraldi berriari begira.
