Batez beste 13.344 erabiltzaile izan dira zuzenean transmititutako bost neurketetan.
Saskibaloirako gogoa dago! Baskoniaren YouTube-ko kanal ofizialak arrakasta handia izan du aurre-denboraldiko neurketen zuzeneko transmisioarekin, milaka zale erakarrita. Irail honetan, 66.723 erabiltzailek gozatu dute Pablo Lasok zuzentzen duen taldearekin.
Baskoniaren eta Surne Bilbao Basketen arteko Euskal Kopa izan zen arrakastatsuena, guztira 17.987 ikustaldirekin eta 3.562 zale aldi berean konektatuta. Ondoren, Casademont Zaragozaren aurkako lehia ageri da: 14.751 ikustaldi guztira eta 3.697 ikusle aldi berean konektatuta. Nabarmentzekoa da, denboraldia hasi aurreko asteetan taldearekiko interesa handitu egin dela.
Gainera, beste norgehiagoka batzuek ere, hala nola Monakoren aurkako lehiak, audientzia nabarmena lortu zuten, 14.119 ikustaldi eta 1.976 jarraitzaile aldi berean batuz. Era berean, Triesteren eta Unicajaren aurkako neurketek ere zifra onak izan zituzten, 11,381 eta 8,485 ikustaldirekin, hurrenez hurren. Datu hauekin, denboraldi berrirako prestaketan presentzia digital handiena izan duen taldeetako batean bihurtu da Baskonia.
Behin aurre-denboraldia amaituta, txapelketa ofizialarekin hasteko unea iritsi da. Igande honetan, Baskoniak Tenerifen egingo du debuta, datorren astean Buesa Arenara helduz Partizanen eta Morabanc Andorraren bisita jasotzeko.
