Baskoniak Buesa Arenan jokatuko duen aurkezpen partidua 5 €-an gozatu ahal izango da.
Aurten ere, Zurbanoko pabiloiak Araba Saria hartuko du. Zaleen aurrean, talde urdin-gorriaren aurkezpenerako balioko du norgehiagoka honek. Aurre-denboraldiko azken lehian, Baskoniak Derthona Basket talde italiarraren bisita jasoko du datorren irailaren 19an (20:00).
Baskonia-Alaves dendan eta webgune ofizialean lortu daitezke gaurtik aurrera partidarako sarrerak, 5€-ko prezioan. Baskoniako abonatuek beraien abonuaren barruan izango dute neurketa hau.
Datorren irailaren 19an Araba Sarira joango diren Baskoniako zale guztien aurrean aurkeztuko da talde gasteiztar berria. Baskoniak Tortonako Derthona Basket taldearen aurka neurtuko ditu indarrak. Denboraldi honetan, italiarrek Basketball Champions League eta LBA Seria A txapelketak jokatuko dituzte.
Aukera paregabea 23-24 denboraldi ofiziala hasi aurretik Baskonia berria ikusteko.
