Lurraldeko klubekiko sentimendua transmititzeko asmoz, Baskonia Alaves Taldeak bodiak eta txartel txiki bat eskaintzen dizkie Araban jaiotako guztiei.
Saski Baskoniak eta Deportivo Alavesek “ONGI ETORRI” ekimena abiarazi dute. Baskonia Alaves Taldeak gazteenekin konektatzeko zehaztutako planaren barruan, Alavesen eta Baskoniaren sentimendua belaunaldiz belaunaldi transmititzeko diseinatutako ekintza.
2025eko urtarrilaren 1etik aurrera, Arabako probintziako jaioberri guztiek ongietorri opari bat lortu ahal izango dute: bi bodie, bata Deportivo Alavesena eta bestea Baskoniarena, eta bi kirol kluben karnet txiki bat.
Familiek Baskonia-Alaves Store-n jaso ahal izango dute ongietorri oparia, haurraren jaiotza-agiria eta aitaren, amaren edo legezko tutorearen NAN-a aurkeztuz. Dendaren ordutegia honako hau da: astelehenetik larunbatera, goizeko 10:30etik 14:00etara, eta arratsaldeko 16:30etik 20:30era.
Baskonia Alaves Taldeak lurraldearekin duen konpromisoa berresten du, bizitzako lehen momentuetatik Arabako familiekiko lotura sendotzearen eta belaunaldiz belaunaldi sentimendua transmititzearen alde eginez.
