Tadas Sedekerskisek 48 partida jokatu ditu denboraldi honetan. Horietatik 23 Euroleaguen izan dira eta 25 Endesa Ligan.
Europako txapelketan 23 neurketetan parte hartu du jokalari lituaniarrak, 5,9 puntu, 4,2 errebote eta 9,7-ko balorazioa lortuz. 16 puntu eta 23-ko balorazioarekin, Bartzelonaren aurka jokatu zuen bere norgehiagokarik onena Tadasek.
Endesa Ligan ere protagonismoa izan du. Bataz beste, 21:07 minutu jokatu ditu partidako, 6,7 puntu, 5,2 errebote eta 11,9-ko balorazioa erdietsiz. Zenbaki hauekin, hamar puntuko balorazioa gainditu duten taldeko sei jokalarietako bat izan da. Tadasek, Casademont Zaragozaren aurka jokatu zuen bere neurketarik onena, 10 puntu, 10 errebote eta 22-ko balorazioa lortuz.
