Endesa Ligako jokalari onenaren saria jasotzeko aukera dutenak Darius Thompson, Markus Howard, Tadas Sedekerskis, Rokas Giedraitis, Matt Costello eta Maik Kotsar dira
22-23 denboraldiko Movistarreko MVP-aren izateko behin betiko zerrendan, Cazoo Baskoniako sei jokalari ageri dira. Darius Thompson eta Markus Howard joko antolatzaileak, Tadas Sedekerskis eta Rokas Giedraitis hegalekoak eta Matt Costello eta Maik Kotsar pibotak dira denboraldi honetako jokalari onenaren saria jasotzeko hautagaiak.
14,3-ko bataz besteko balorazioarekin, txapelketako joko antolatzaile onenen artean ageri da Thompson. Partidako 6,2 saskiraketa pase emanda, asistentzia gehien ematen dituen hirugarren jokalaria da.
Beste hautagai bat Markus Howard da. Bataz beste 15,4 puntu sartuz eta 10,3-ko balorazioa edukirik, hiruko gehien sartzen dituen eta puntu gehien sartzen dituen hirugarren jokalaria da.
Hegalekoetan, zazpigarren postuan kokaturik dagoen eta 6,9 puntuko eta 5,8 erreboteko bataz besteko duen Tadas Sedekerskis eta hamargarren postuan kokaturik dagoen eta 10,1 puntu eta 11,3-ko balorazioa duen Rokas Giedraitis aurkitzen dira.
Matt Costellorekin (7) eta Maik Kotsarrekin (8), Endesa Ligako pibot onenen artean ere badu presentzia Cazoo Baskoniak. 10,2 puntu, 5,2 errebote eta 14,3-ko bataz besteko balorazioa du estatubatuarrak. 9,4 puntu eta 14,1-eko balorazioarekin, estoniarrak gertutik jarraitzen dio.
Gaurtik, apirilaren 25, eta maiatzaren 12ra bitartez (18:00), eman ahal izango dute botoa zaleek bere hautagai gogokoenari. Apirilaren 27an, maiatzaren 1ean eta 8an, 11: 00etatik 21: 00etara, botoen balioa bikoitza izango da. Twitterren, Instagramen, ACBko App ofizialean eta Twitchen bozkatu ahal izango da.
Nola eman botoa?
Twitter: #MVPMovistar traolarekin eta jokalariaren izenarekin edo handlearekin. Kontu publiko bakoitzeko boto bat eman beharko da egunez, eta eta retweetak zenbatzen dira.
Instagram: MVP Movistarri buruzko ACBko argitalpenen iruzkinetan bakarrik bozkatu ahal izango da. #MVPMovistar traola eta jokalariaren izena erabiliz egingo da (kasu honetan handleak ez du balio).
ACBko App ofiziala: MVP Movistar atala gaituko da eta egunean behin bozkatu ahal izango da gailu bakoitzeko.
Twitch: Asteazken honetan, apirilaren 26an, 13: 00etan, zuzeneko berezia egingo da ViTuberren Twitcheko kanalean. Traola erabiliz eta txatean jokalari gogokoenaren izena esanez, une horretatik eta bozketa amaitu arte eman ahalko da botoa.
Sariak bozkatzeagatik. Gainera, Twitterren zure botoa #MVPMovistar traolarekin uzten badiguzu, maiatzaren 4an eta 11n, 13: 00etatik 15: 00etara (penintsulako ordua), Movistar MVPk sinatutako bi baloi ofizialen zozketan sartuko zara (bat eguneko).
