Monbus Obradoiroren aurkako neurketan, mendeurrena beteko du Baskoniako jokalari gisa estatubatuarrak
2021-2022ko denboraldian iritsi zenetik, 100 partidatan defendatu du talde arabarreko kamiseta Matt Costellok. Bere bigarren denboraldian, taldeko jokalaririk garrantzitsuenetako bat bilakatu da Michiganen jaiotakoa.
Bere 100. partida beteko du Monbus Obradoiroren aurka. Bataz besteko 10,9 puntu, 4,9 errebote, 2,2 asistentzia eta 16,2ko balorazioa du Baskoniako kamisetarekin jokatu dituen Endesa Ligako 53 neurketetan. Euroleaguen jokatu dituen 47 norgehiagoketan, 8,6 puntu, 4,2 errebote, 1,2 asistentzia eta 9,4ko bataz besteko balorazioa du. Endesa Liga osoan, bigarren portzentaiarik onena du bi puntuko jaurtiketetan (%77,4).
Baskoniako familiarekin mendeurrena beteta, neurketa berezia izango da Matt Costellorentzat.
