Pibota Besiktas turkiarretik dator eta urte betez izango da jokalari baskonista.
Colton Iversonen fitxaketarekin Laboral Kutxak bere barne jokoa indartu du. Pibotak (25 urte eta 2.13 metro) urte bateko kontratu sinatu du. Iaz Besiktas turkiarrean Eurocup-a jokatzeko aukera izan zuen. Hego Dakotan jaiotako jokalaria 53. postuan izan zen aukeratua 2013ko Draftean. Indiana Pacersek hautatu zuen eta Boston Celticsera izan zen transferitua. Bertan Orlandoko udako ligan parte hartu zuen.
Tornike Shengelia, Kim Tillie eta Davis Bertansen fitxaketen ostean, Colton Iverson Laboral Kutxaren laugarren fitxaketa bihurtu da.
