Talde gasteiztarra guztiz inplikatuta dago hiriaz. Honen erakusgarri, bere leloa ACB zein Euroleague-ko beroketa kamisetetan jantziko du.
Laboral Kutxa Baskoniak eta Deportivo Alavesek kolaborazio akordio bat sinatu dute Gasteizko Udaletxearekin. Honen bitartez Gasteizen Gastronomia Hiriburutza promozionatuko dute 2014. urtean. Gaur goizean bi klubetako presidenteek -Josean Querejetak eta Alfonso Fernandez de Troconizek- Javier Maroto alkatearekin batera akordioaren detaileak aurkeztu dituzte prentsaurreko baten.
“Gure lurraldearen bertuteak besteen aurrean eta gure mugetatik kanpo zabaltzeko unean, beti egon gara gure erakundeei laguntzeko prest. Beti egin izan dugu eta berdin jarraituko dugu, hori baita gure konpromisoa” adierazi du Saski Baskoniako presidenteak. Iaz Green Capital titulua promozionatuz, bi klubek hiriarekiko duten konpromisoa erakutsi zuten. Aurtengoan ere Baskoniak 2014 Gastronomia Hiriburutza Endesa Ligako eta Euroleague-ko beroketa kamiseta ofizialetan jantziko du.
“Poztasun handia da guretzat, beste behin, Gastronomia Hiriburutza bezalako titulu garrantzitsu baten enbaxadore izatea. Titulu honek gure ekonomia bultzatuko du bertako lehengaiak goretsiz”, adierazi du Querejetak.
Udaletxearen eta hiriko ostalarien apustua argia da, Gasteizek aukera hau aprobetxatu behar du Gastronomia Hiriburu bezala ezagutaraziz. Hori dela eta, kolaborazio akordio honen bitartez Baskoniak apustu honekin bat egin nahi du. “Akordio honek Espainia mailan eta nazioartean estaldura garrantzitsua emango dio Gastronomia Hiriburutzari. Bai Espainian bai Eurpoan, Baskonia da Gasteizeko eta Arabako enbaxadore onena eta oso harro gaude” azpimarratu du Querejeta presidenteak.
Beroketa kamisetaz gain, titulua promozionatzeko helburuaz, Laboral Kutxa Baskoniak hainbat medio erabiliko ditu:
-Led time presentzia Buesa Arenako partidu guztietan.
-Euroleague-ko partiduetan gaininpresio eta spot promozionalak ETB-en.
-Kanpainaren difusioa Buesa Arenako bideomarkagailuan.
-Gastronomia Hiriburutzaren komunikazio kanpainetan gure jokalarien irudia erabiltzeko aukera.
