CIBB berrikuntza garrantzitsuekin dator aurten: 10 eta 11 urteko umeentzako MiniBakset Kanpusa eta urtarrilean zehar egindako inskripzioetan aplikatuko den %5ko deskontua.
Gasteiz, 2015ko urtarrilak 9. 2015 EDP Nazioarteko Baskonia Saskibaloi Kanpuseko inskripzioak zabalik daude jada. Kanpusa ekainak 28tik uztailak 12ra ospatuko da eta 1997tik 2003ra jaiotako umeek parte hartu dezakete bertan. Goi-mailako instalazioetan, haien jokoa lantzeko eta hobetzeko aukera izango dute umeek. Gainera, urtarrilak 31 baino lehenago izena ematen dutenek %5ko deskontua izango dute.
CIBB-ek bere zazpigarren edizioa beteko du 2015an. Zazpi urte hauetan estatu mailako perfekzionamendu kanpus erreferente bilakatu dela adierazi daiteke. Urtero munduko bazter guztietako ehunka ume batzen dira Gasteizen, haien saskibaloia hobetzeko Baskonia modeloa aukeratuz.
Gazteak Buesa Arenan eta BAKH-en aritzen dira 8 orduz egunero. Lan metodo zorrotz baten bitartez, teknika indibiduala hobetzea eta jokoaren beste aspektuak garatzea da helburua. David Gilen gidaritzapean, esperientzia handiko 20 entrenatzaile kualifikatuk, fisioterapeutek, koordinatzaileek eta begiraleek osatzen dute kanpuseko lan taldea.
2015 Nazioarteko Kanpusak berrikuntza ugari izango ditu formatuan eta lan metodoan. Kanpusa hasi baino aste bete lehenago (ekainak 21tik ekainak 27ra) Buesa Arenan burutuko den MiniBasket Kanpusa da berrikuntza azpimarragarriena. 2004 eta 2005 urteetan jaiotako umeentzat bideratutako lan espezifikoa hain zuzen.
Berrikuntzaren alde apustu eginez
Lan metodologian burutuko diren berrikuntzak Kontraeraso Tailerrarekin batera etorriko dira. Lan espezifiko honen bitartez, gazteek haien joko-erabakitasuna landuko dute abiaduran. Honetaz gain, taktika indibidualeko zirkuitua eta Jaurtiketa Tailerra -berrikuntza baita ere- burutuko dira. Jaurtiketa Tailerrarekin jokalariek haien jaurtiketa ehunekoak hobetuko dituzte jaurtiketa zirkuituan. Gainera, aipatutako tailer berrietan material espezifikoak landuko dira.
Saskibaloi entrenamendu intentsiboez gain, 2015 Nazioarteko Kanpusak ingeles eta gaztelera kurtsoak, saskibaloi hitzaldiak, informatika klaseak eta denbora librerako beste hainbat aktibitate eskaintzen ditu.
Inskripzioa eta prezioak
Kanpusak 390 euroko prezioa mantendu du eguneko partaideentzat (aste beteko kanpusa). Barneko partaideentzat aldiz prezioa 568 eurokoa izango da, bi lan-asteko prezioan %15ko deskontua izanik.
Gainera, urtarrilak 31 baino lehenago izena ematen duten partaideek %5ko deskontua izango dute.
Informazio gehiago edo inskripzioak:
ZADOR: Calle Cercas Bajas, 15. PK: 01001 Vitoria-Gasteiz
Ordutegia: 10.00h – 13.00h eta 16.30h – 20.00h
Telefonoa: 688 64 20 34 Fax: 945 23 49 10
E-posta: basket@zadorspain.com
